Superkompüter Çempionlar Liqasının favoritini açıqlayıb

UEFA Çempionlar Liqasının 2024/2025 mövsümündə baş verən son hadisələrdən sonra süni intellekt əsaslı superkompüter turnirin mümkün qalibini proqnozlaşdırıb.

"PostMedia" xarici KİV-lərə istinadən xəbər verir ki, Fransa təmsilçisi "Paris Saint-Germain" (PSG) bu proqnozlara əsasən turnirin ən real qalibi kimi önə çıxır.

PSG-nin Arsenal üzərində qazandığı 1:0 hesablı qələbə fransız klubunun titula gedən yolda ciddi üstünlük əldə etməsinə səbəb olub. Superkompüterin hesablamalarına görə, PSG-nin Çempionlar Liqasını qazanmaq ehtimalı 42,6%-dir. Luis Enrikenin rəhbərlik etdiyi kollektiv bu mövsüm daha nizamlı və komanda əsaslı oyun üslubu ilə seçilir.

Digər favoritlər arasında İspaniyanın “Barcelona” klubu 23,8%, İtaliyanın “İnter Milan” klubu isə 20,9% ehtimalla ikinci və üçüncü sıralarda qərarlaşıb. Qeyd edək ki, “Barcelona” bu mövsüm turnirin ən çox qol vuran komandası olsa da, Borussia Dortmund ilə qarşılaşması onların final şansını azaldıb.

İngiltərə təmsilçisi “Arsenal” isə PSG ilə oyunda aldığı məğlubiyyətdən sonra turniri qazanmaq şansını 12,7%-ə endirib. Qeyd edək ki, “Arsenal” tarixində hələ də Çempionlar Liqası tituluna sahib ola bilməyib və bu, onların avrokuboklardakı uğursuzluğunu bir daha gündəmə gətirir.