Dünya bazarında xam neft qiymətlərində geriləmə qeydə alınıb

Londonun “InterContinental Exchange” (ICE) birjasında keçirilən hərrac zamanı “Brent” markalı neftin iyun fyuçersləri üzrə 1 bareli 64,62 ABŞ dollarına təklif edilib.
“PostMedia” xəbər verir ki, bu, əvvəlki günün qiyməti ilə müqayisədə 0,16 dollar və ya təxminən 0,25 % azalma deməkdir.
Eyni zamanda, Nyu Yorkun “Nymex” birjasında satılan WTI (Qərbi Texas) markalı xam neftin bir barelinin qiyməti 61,36 ABŞ dolları olub.
Bu da əvvəlki günlə müqayisədə 0,17 dollar və ya təxminən 0,28% ucuzlaşma deməkdir.