“Oskar” mükafatı kaskadyor səhnələrinin quruluşuna görə də təqdim olunacaq

Amerika Kino Akademiyası “Kaskadyor səhnələrinin quruluşu” nominasiyasının yaradıldığını elan edib.

"PostMedia" xəbər verir ki, bu sahədə nailiyyətlərə görə “Oskar” mükafatı 100-cü yubiley mərasimindən başlayaraq təqdim olunacaq.
“Amerika Kino Sənəti və Elmləri Akademiyasının İdarə Heyəti bu gün elan edib ki, 2027-ci ildə kinoteatrlarda nümayiş olunacaq filmlər üçün keçiriləcək 100-cü mükafatlandırma mərasimindən etibarən kaskadyor səhnələrinin quruluşu sahəsində nailiyyətlərə görə hər il “Oskar” təqdim olunacaq”, – deyə Akademiyanın rəsmi saytında yerləşdirilən bəyanatda bildirilir.
Nominasiyaya daxil olma qaydaları və digər detallı məlumatlar 2027-ci ildə elan olunacaq.
Hazırda “Oskar” mükafatı 23 nominasiya üzrə təqdim olunur. Bu il isə Los-Ancelesdəki "Dolby" teatrında 97-ci mükafatlandırma mərasimi keçirilib.