Ermənistanın növbəti yalanı ifşa edilib

Ermənistanın sərhədyanı kəndinin atəşə tutulması ilə bağlı məlumat təkzib edilib.
"PostMedia" xəbər verir ki, Azərbaycan Müdafiə Nazirliyi Ermənistan tərəfinin respublika qüvvələrinin guya Ermənistanın sərhədində yerləşən kəndi atəşə tutması ilə bağlı yaydığı məlumatı təkzib edib.
“Ermənistan Müdafiə Nazirliyinin 23 apreldə Azərbaycan Ordusunun guya Xoznavar yaşayış məntəqəsi istiqamətində atəş açması barədə yayılan məlumat növbəti dezinformasiyadır və həqiqəti əks etdirmir,” – deyə bəyanatda qeyd olunub.
Nazirlik bildirib ki, “Azərbaycan Ordusunun bölmələri heç vaxt mülki əhalini və mülki obyektləri atəşə tutmur.”
“Hədəfli şəkildə bu cür yalan və dezinformasiyalar yaymaqla qarşı tərəf öz təxribatlarını gizlətməyə və beynəlxalq ictimaiyyətdə yanlış təsəvvür formalaşdırmağa çalışır,” – deyə Azərbaycan Müdafiə Nazirliyinin məlumatında vurğulanıb.
Qeyd edək ki, çərşənbə axşamı axşam saatlarında Ermənistan Müdafiə Nazirliyinin mətbuat xidməti bildirib ki, guya Azərbaycan Silahlı Qüvvələrinin bölmələri Sünik vilayətinin Xoznavar kəndi istiqamətində atəş açıblar və nəticədə yaşayış evi zərər görüb.