Elşad Abdullayev Baş Prokurorluğa çağırılıb

Azərbaycan Beynəlxalq Universitetinin (ABU) sabiq rektoru Elşad Abdullayev Baş Prokurorluğun İstintaq İdarəsinə çağırılıb.

Məlumata əsasən, Elşad İslam oğlu Abdullayev şəxsiyyətini təsdiqləyən sənədlə birlikdə 5 may 2025-ci il, saat 10:00-da Bakı şəhəri, Binəqədi rayonu, Dərnəgül qəsəbəsi, 21-ci Dağlıq küçəsi, 3105-ci məhəllədə yerləşən Baş Prokurorluğun İstintaq İdarəsinin inzibati binasında olmalıdır.

Qeyd olunub ki, 1 sentyabr 2024-cü il tarixində Elşad Abdullayevə Azərbaycan Respublikası Cinayət Məcəlləsinin bir sıra maddələri – 137.5.1, 137.5.2, 137.5.3, 213.2.2, 308.2, 311.3.1, 311.3.2, 311.3.3 və 29, 312.2-ci maddələri üzrə yenidən ittiham irəli sürülməsi barədə qərar qəbul edilib. Lakin onun ölkə hüdudlarından kənarda olması səbəbindən bu ittiham rəsmi şəkildə elan olunmayıb.