Ədliyyə Nazirliyində bu şəxslərə vəzifə verildi

Ötən gün Ədliyyə Nazirliyi yanında İctimai şura üzvlüyünə seçki keçirilib.

Ədliyyə Nazirliyinin Mətbuat xidmətindən "PostMedia"ya verilən məlumata görə, seçkinin təşkili məqsədilə doqquz nəfərdən ibarət Seçki Komissiyası yaradılıb və seçkinin keçiriləcəyi ilə bağlı elan verilib. İctimai şuraya üzv olmaq üçün vətəndaş cəmiyyəti institutlarından 10 nəfərin namizədliyi təsdiq edilib. Vətəndaş cəmiyyəti institutlarının təmsilçilərinin iştirakı ilə keçirilən seçkinin sonunda möhürlənmiş seçki qutusu açılaraq səslər Seçki Komissiyası üzvlərinin və müşahidəçilərin iştirakı ilə hesablanıb. Səsvermədə namizədliyi qeydə alınmış 10 nəfərdən ən çox səs toplamış 7 nəfər İctimai şuraya üzv seçilib.

İctimai şuranın yeni tərkibi aşağıdakı kimi olub:

1. Bənənyarlı Səadət İzzət qızı - “Beynəlxalq İnsan Hüquqları Cəmiyyəti Azərbaycan Milli Bölməsi” İctimai birliyinin sədri
2. Cəfərova Novella Cəfər qızı - “D.Əliyeva adına Azərbaycan Qadınlarının Hüquqlarının Müdafiə Cəmiyyəti” İctimai birliyinin sədri
3. Əliyev Əmir İbrahim oğlu - “İnsan Hüquqlarının Təşviqi Mərkəzi” İctimai birliyinin sədri
4. Əsgərova Mətanət Paşa qızı - Azərbaycan Dillər Universitetinin Beynəlxalq münasibətlər kafedrasının, Milli Aviasiya Akademiyasının Hüquq kafedrasının professoru, hüquq elmləri doktoru
5. İsmayılov Xəyyam Cəbrayıl oğlu - Bakı Dövlət Universitetinin Hüquq fakültəsinin Dövlət və hüquq nəzəriyyəsi və tarixi kafedrasının professoru
6. Qənizadə Çingiz Aşralı oğlu - “Demokratiya və İnsan Hüquqları Komitəsi” İctimai birliyinin sədri
7. Qocamanlı Səltənət Məmməd qızı - “İnsan Hüquqlarının və Qanunçuluğun Müdafiəsi” İctimai birliyinin sədri

“İctimai iştirakçılıq haqqında” Azərbaycan Respublikasının Qanununa əsasən, şuranın fəaliyyət müddəti iki il olaraq müəyyən edilib.