Bu il Pasxa nə vaxt qeyd ediləcək?

Pasxa - İsa Məsihin dirilməsi şərəfinə keçirilən xristian bayramıdır.

Pasxa (İşıqlı Məsihin Dirilməsi) — həyatın ölüm üzərində qələbəsini simvolizə edən ən qədim xristian bayramlarından biridir.

Hər il aprel ayında qeyd edilən bayram bəs bu il nə vaxt qeyd olunur?!

Pasxa — dəyişkən tarixli bir bayramdır, hər il müxtəlif vaxtlarda qeyd olunur və tarixi xüsusi hesablamalara — pasxaliya metodikasına əsasən müəyyən edilir. İsa Məsihin Dirilməsi gününün hansı tarixə düşməsindən asılı olaraq onunla bağlı digər xristian bayramlarının tarixləri də dəyişir.

Rus Pravoslav Kilsəsi əsas qaydalara riayət edir:

1. Pasxa yəhudi Pesax bayramından əvvəl olmamalıdır;

2. bu gün mütləq ayın dolduğu vaxta təsadüf etməlidir, çünki İncilə görə, İsa çarmıxa çəkiləndə günəş tutulmuşdu;

3. həftənin yalnız bazar gününə düşməlidir.

2025-ci ildə bu bütün şərtlərə cavab verən tarix — 20 apreldir.

Nadir hallarda olduğu kimi, həmin gün Pasxa həm pravoslavlar, həm də katoliklər və əksər protestantlar tərəfindən birlikdə qeyd olunacaq. Yəhudilər isə Pesax bayramını daha əvvəl — 12 aprel axşamından 19 aprel gecəsinə qədər qeyd edəcəklər.