ABŞ-nin sabiq prezidenti Co Baydenə prostat xərçəngi diaqnozu qoyulub. Xərçəngin sümüyə metastaz verdiyi bildirilir.
”PostMedia”nın xəbərinə görə, bu barədə sabiq prezidentin şəxsi ofisi bazar günü məlumat yayıb.
“Keçən həftə Prezident Co Bayden artan sidik simptomları səbəbilə müayinə olunarkən prostat vəzilərində yeni bir düyün aşkarlanıb,” – deyə onun şəxsi ofisinin yaydığı açıqlamada bildirilir.
“Cümə günü ona prostat xərçəngi diaqnozu qoyulub. Bu, Gleason balı 9 (5-ci dərəcəli qrup) ilə xarakterizə olunan və sümüyə metastaz verən aqressiv bir forma hesab olunur.”
“Xərçəngin daha aqressiv forması olmasına baxmayaraq, onun hormonlara həssas olduğu görünür, bu da xəstəliyin effektiv şəkildə idarə olunmasına imkan verir,” – açıqlamada əlavə olunub. “Prezident və ailəsi hazırda həkimləri ilə müalicə variantlarını nəzərdən keçirir.”
Baydenin ofisinin sözçüsü əlavə açıqlama verməyəcəklərini bildirib.
Sizin reklamınız burada ola bilər