"Azərişıq" Kəlbəcərdə 2,4 milyon manatlıq layihə icra etmək istəyir

"Azərişıq" ASC Kəlbəcər şəhərində elektrik təchizatının yaxşılaşdırılması üçün tender elan edib.

"PostMedia" xəbər verir ki, layihənin ehtimal olnan dəyəri 2 milyon 430 min 750 manat 21 qəpik təşkil edir.

Layihə çərçivəsində 1-ci faza üzrə transformator məntəqəsinin tikintisi və 35 kilovoltluq elektrik veriliş xəttinin çəkilməsi nəzərdə tutulur.

Qeyd edək ki, bu işlər işğaldan azad edilmiş ərazilərdə dayanıqlı enerji təminatının qurulması və əhalinin fasiləsiz elektriklə təmin olunması məqsədi daşıyır.