Binəqədi rayonunun bir hissəsində işıq olmayacaq

Biləcəri Enerji Təchizatı və Satışı İdarəsinin (ETSİ) ərazisində 6 kV-luq hava xətlərində aparılan yenidənqurma və təmir işləri ilə əlaqədar Binəqədi kənd ərazisində mayın 23-də elektrik xətləri sifarişə əsasən açılacaq.

"PostMedia" xəbər verir ki, bu barədə "Azərişıq" ASC məlumat yayıb.

Məlumatda deyilir ki, bununla əlaqədar olaraq saat 10:00-dan saat 14:00-dək kənd ərazisində və ətrafında yerləşən yeni yaşayış massivlərində elektrik enerjisinin verilişində məhdudiyyət yaranacaq.

Yenidənqurma və təmir işləri yekunlaşdıqdan sonra sözügedən ərazilər daha keyfiyyətli elektrik enerjisi ilə təmin olunacaq.