Naxçıvanda aktiv ƏDV ödəyicilərinin sayı 18,9 % artıb

Naxçıvan Muxtar Respublikasında vergi ödəyicilərinin sayı artmağa davam edir. 2025-ci il aprelin 1-nə olan məlumata görə, aktiv vergi ödəyicilərinin sayı ötən ilin eyni dövrü ilə müqayisədə 19,2 % artaraq 20.192 nəfərə çatıb.

"PostMedia" xəbər verir ki, bu barədə iqtisadiyyat Nazirliyi yanında Dövlət Vergi Xidməti məlumat yayıb.

Xüsusilə aktiv ƏDV ödəyicilərinin sayı 18,9 % artaraq 572-yə yüksəlib. Bununla yanaşı, aktiv obyektlərin (təsərrüfat subyektlərinin) sayı da 7,6 % artaraq 6.005-ə çatıb.