Rubio: "Azərbaycan və Ermənistan arasında silahlı münaqişə riski hələ də qalmaqdadır"

"Azərbaycan və Ermənistan arasında silahlı münaqişə riski hələ də real olaraq qalır və ABŞ bu riski önləməyə çalışır".

"PostMedia" xəbər verir ki, bu barədə ABŞ dövlət katibi, həmçinin Amerika prezidentinin milli təhlükəsizlik üzrə müvəqqəti köməkçisi Marko Rubio bəyan edib.

“Azərbaycanla bağlı əsas diqqətimiz Ermənistanla Azərbaycan arasında sülhü təmin etməyə yönəlib. Orada hələ də qarşısını almağa çalışdığımız real münaqişə riski mövcuddur”, – deyə o, ABŞ Konqresinin Nümayəndələr Palatasının xarici işlər komitəsində keçirilən dinləmələr zamanı bildirib.