Tramp Üçüncü Dünya Müharibəsi riskindən danışıb

ABŞ Prezidenti Donald Tramp Üçüncü Dünya Müharibəsi riskindən danışıb.

"PostMedia" xəbər verir ki, ABŞ Prezidenti Donald Tramp "Atlantic" nəşrinə verdiyi müsahibədə yenidən bildirib ki, Ukraynada baş verən münaqişə hazırda amerikalıların həyatına birbaşa təhlükə yaratmasa da, potensial olaraq Üçüncü Dünya Müharibəsinə çevrilə bilər.

"Çoxlu həyatları xilas etməyə çalışıram. Bildiyiniz kimi, Ukrayna və Rusiya — bu, bizim həyatımız deyil, amma bu, Üçüncü Dünya Müharibəsi ilə nəticələnə bilər," — deyə Tramp vurğulayıb.

Tramp daha əvvəl də Ukrayna münaqişəsinin eskalasiyası barədə dəfələrlə xəbərdarlıq edib. Fevral ayında o bildirmişdi ki, əgər onun sələfi Co Baydenin administrasiyası bir il daha hakimiyyətdə qalsaydı, Üçüncü Dünya Müharibəsi başlaya bilərdi, lakin indi bu baş verməyəcək".

Mart ayında isə Vladimir Zelenski ilə görüşü zamanı Tramp demişdi ki, Zelenski "Üçüncü Dünya Müharibəsi ilə oynayır".

Rusiya prezidenti Vladimir Putinin mətbuat katibi Dmitri Peskov məlumat verib ki, Putin ABŞ prezidentinin xüsusi nümayəndəsi Stiven Uitkoffla görüşdə Rusiyanın Ukrayna ilə əvvəlcədən heç bir şərt olmadan danışıqlara hazır olduğunu təsdiqləyib.