Türkiyə Xarici İşlər Nazirliyinin rəsmi nümayəndəsi Oncu Keçeli bildirib ki, HƏMAS-ın atəşkəs məsələsində güzəştə getməsinə məcbur edilməsi ilə bağlı iddialar İsrail mətbuatının uydurmasıdır.
"PostMedia" xəbər verir ki, Türkiyə tərəfi radikal Fələstin hərəkatı HƏMAS-ı atəşkəs məsələsində güzəştə getməyə məcbur etməyib. Bunu Türkiyə XİN-nin rəsmi nümayəndəsi Oncu Keçeli jurnalistlərə açıqlamasında bildirib.
"İsrailin bir qəzetində yayımlanan və bizim nazirimizin (Hakan Fidan) 27 apreldə Dohada HƏMAS nümayəndələri ilə görüşündə atəşkəs məsələsində HƏMAS-ı güzəştə getməyə məcbur etməsi ilə bağlı irəli sürülən iddialar həqiqətə uyğun deyil", — deyə diplomat vurğulayıb.
Daha əvvəl TASS-ın Türkiyə XİN-indəki mənbələri 27 apreldə Fidanın Dohanı ziyarət edərək HƏMAS nümayəndələri ilə atəşkəs danışıqlarını müzakirə etdiyini bildirib. Onların sözlərinə görə, "HƏMAS nümayəndələri daimi atəşkəsə nail olmaq istiqamətindəki səylərinin davam etdiyini və danışıqların son məlumatlarını təqdim etdiklərini" bildiriblər. Fidan isə öz növbəsində qeyd edib ki, "Türkiyə, Qəzza bölgəsində sülhün təmin olunması üçün beynəlxalq və ikitərəfli səylərini davam etdirir".
Sizin reklamınız burada ola bilər