XİN: "ABŞ Çinə təhdid etməyi dayandırmalıdır"

"Əgər Birləşmiş Ştatlar həqiqətən Çin Xalq Respublikası ilə dialoq aparmaq niyyətindədirsə, təhdid və təzyiq taktikalarından imtina etməlidirlər" - "PostMedia" xəbər verir ki, bu barədə Çin Xarici İşlər Nazirliyinin rəsmi nümayəndəsi Lin Tszyan brifinq zamanı ABŞ Prezidenti Donald Trampın Çin məhsullarına tətbiq edilən tariflərin azaldılması ilə bağlı açıqlamasını şərh edərkən bildirib.
“ABŞ Çinlə bərabərlik və qarşılıqlı hörmət əsasında dialoq aparmalıdır”, – deyə Lin Tszyan vurğulayıb.
Qeyd edək ki, daha əvvəl Tramp bəyan etmişdi ki, müəyyən mərhələdə Çin mallarına tətbiq olunan idxal rüsumlarını azaldacaq, çünki bu addım olmadan Vaşinqton və Pekin bir-biri ilə ticarət apara bilməz.